19 жніўня 2020 года ў Даўгаўпілскім Цэнтры беларускай культуры (ЦБК) адкрылася персанальная мастацкая выстава карцін “У свеце кветак” вядомай у горадзе самадзейнай мастачкі, члена Асацыяцыі свабодных мастакоў Латгаліі, кіраўніцы мастацкай студыі ЦБК “Каларытны свет” Вэлты Лоцэ.

У жніўні гэтага года Даўгаўпілскі Цэнтр беларускай культуры (ЦБК) прымаў у сябе выхаванцаў дзённых летніх лагераў “Uz priekšu” і “Dabas eksperimenti”. Для іх былі арганізаваныя адукацыйна-гульнявыя заняткі “Спас: мядовы, яблычны, арэхавы”, мэтай якіх з'яўляецца пазнаёміць дзяцей з беларускай культурай і звычаямі, а таксама з традыцыямі святкавання Спаса.

          Сустрэчы і расставанні... Здавалася, толькі знаёміліся з новым консулам Беларусі ў Даўгаўпілсе Яўгеніяй Іванаўнай Барткевіч, а сёння яна ўжо вярнулася ў Мінск. Тры гады дыпламатычнай камандзіроўкі праляцелі вельмі хутка.

25 ліпеня 2020 года ў латгальскім мястэчку Віляны прайшлі Дні латвійскіх культур у Латгале-2020 “Pynu, pynu sītu”, у якіх прыняла ўдзел харавая капэла “Спадчына” Даўгаўпілскага Цэнтра беларускай культуры.

Нацыянальная бібліятэка Беларусі са сваіх фондаў перадала ў дар Даўгаўпілскаму Цэнтру беларускай культуры камплект новых кніг у рамках дабрачыннай акцыі “Пра Беларусь - беларусам замежжа”.

3-4 ліпеня 2020 года ў Вентспілсе па запрашэнні мясцовага беларускага таварыства “Спадчына” пабывала творчая дэлегацыя Даўгаўпілскага Цэнтра беларускай культуры (ЦБК). Галоўнай мэтай паездкі і абмену вопытам стаў удзел ансамбляў “Пралескі” і “Лянок” у Купальскім вечары, прымеркаваным да XVI фестывалю Дзён беларускай культуры “Ад Ліга да Купалы”.

Традыцыйна ў пачатку ліпеня беларусы Даўгаўпілса дораць гараджанам святочны канцэрт, прысвечаны беларускаму народнаму святу “Купалле”. У гэтым годзе канцэрт прайшоў у рэжыме онлайн. 7 ліпеня 2020 года на платформе Youtube, а таксама на афіцыйнай старонцы Цэнтра беларускай культуры ў Facebook з'явіўся відэазапіс канцэрта “Беларускае Купалле”.

У чацвер, 2 чэрвеня 2020 года, дэлегацыя Даўгаўпілскага Цэнтра беларускай культуры (ЦБК) і Беларускага культурна-асветніцкага таварыства “Уздым” правялі флэшмоб “Віват, Беларусь!” у Генеральным консульстве Рэспублікі Беларусь у Даўгаўпілсе. У такім нечаканым фармаце беларусы Даўгаўпілса павіншавалі радзіму з дзяржаўным святам – Днём Незалежнасці.

Шаноўныя землякі, беларусы замежжа ў розных куточках свету!

Шчыра запрашаем святкаваць інтэрнэт-Купалле разам і спяваць купальскія песні!