25 лістапада 2017 года харавая капэла «Спадчына» (кіраўніца Яніна Юзэфовіч) Даўгаўпілскага Цэнтра беларускай культуры адправілася ў г.Глыбокае (Беларусь), дзе прыняла ўдзел у этна-вечарыне ў рамках рэалізацыі мясцовай ініцыятывы «Стварэнне віртуальных падарожжаў па гісторыка-культурнай спадчыне рэгіёну» у рамках праекта «Садзейнічанне развіццю на мясцовым узроўні ў Рэспубліцы Беларусь», які фінансуе Еўрапейскі Саюз і Арганізацыя Аб'яднаных Нацый.

2 снежня 2017 года ў Даўгаўпілсе прайшоў адзін з рэгіянальных адборачных аглядаў на Уселатвійскае свята песні і танца і Міжнародны фальклорны фестываль «Baltica-2018», на якім перад аўтарытэтным журы сваю праграму прадставілі і пяць творчых калектываў Даўгаўпілскага Цэнтра беларускай культуры (ЦБК).

У аўторак, 19 снежня 2017 года, у 17.00, у Даўгаўпілскім Цэнтры беларускай культуры (ЦБК) адбудзецца чарговы музычна-паэтычны вечар вядомага ў Даўгаўпілсе сямейнага і творчага саюза: аўтараў зборнікаў вершаў і выканаўцаў песень Людмілы Вілюмы і Яўціхія Канаплёва.

З 19 па 25 лістапада 2017 года Рэспубліканскі цэнтр нацыянальных культур Міністэрства культуры Рэспублікі Беларусь правёў творчую стажыроўку для кіраўнікоў замежных, беларускіх, непрафесійных (аматарскіх) калектываў мастацкай творчасці беларускіх дыяспар, якія пражываюць за мяжой. Даугаўпілскі Цэнтр беларускай культуры (ЦБК) у Мінску прадстаўляла харэограф, кіраўніца танцавальнага ансамбля «Лянок» Марына Медунецкая.

 У перадсвяточны пятніцу, 17 лістапада 2017 года, па запрашэнню Екабпілскага беларускага таварыства «Спатканне», дэлегацыя Даўгаўпілскага Цэнтра беларускай культуры (ЦБК) адправілася ў слаўны горад на берагах Даўгавы, каб прыняць удзел у заключным мерапрыемстве, прысвечаным народнаму касцюму.

24-25 лістапада 2017 года прайшоў VII Міжнародны фестываль народнай культуры “Беларускі кірмаш у Даўгаўпілсе”, у якім удзельнічалі беларускія аматарскія калектывы з Латвіі, Літвы, Эстоніі і Беларусі. Культурны форум традыцыйна ўключаў канферэнцыю, майстар-клас рамеснікаў, кніжную акцыю, выставу восеньскіх дароў, Гала-канцэрт, дабрачынны канцэрт у пансіянаце, выставу карцін.

У суботу, 25 лістапада 2017 года, у г.Ліваны прайшло яркае і незабыўнае свята - VI фестываль народных песень. Арганізатарам мерапрыемства выступілі Славянскае таварыства «Узоры» і Цэнтр культуры Ліванскага раёна. Другі раз на фестываль быў запрошаны вакальна-інструментальны ансамбль "Пралескі" даўгаўпілскага Цэнтра беларускай культуры (ЦБК).

21 лістапада 2017 года ў Даўгаўпілсе з афіцыйным візітам знаходзілася дэлегацыя Кансультатыўнага камітэта Усеагульнай канвенцыі аб ахове нацыянальных меншасцяў. У рамках праграмы камісія наведала Цэнтр беларускай культуры (ЦБК), дзе сустрэлася з прадстаўнікамі нацыянальна-культурных цэнтраў і таварыстваў Даўгаўпілса.

10 лістапада 2017 года ў Даўгаўпілскім Цэнтры беларускай культуры (ЦБК) прайшоў канцэрт у гонар Дня абвяшчэння незалежнасці Латвійскай Рэспублікі, падрыхтаваны супрацоўнікамі і аматарскімі калектывамі ЦБК.  

У суботу, 11 лістапада 2017 года, у г.Браслаў (Беларусь) у раённым цэнтры культуры прайшоў майстар-клас беларускай народнай песні для ансамбля "Купалінка" Даўгаўпілскага Цэнтра беларускай культуры (ЦБК). Дадзенае мерапрыемства стала магчымым дзякуючы падпісанаму пагадненню аб супрацоўніцтве паміж ЦБК і аддзелам ідэалагічнай працы, культуры і па справах моладзі Браслаўскага раённага выканаўчага камітэта.