20-21 лiпеня 2018 года ў раённым цэнтры Віцебскай вобласці Беларусі - г.Глыбокае - прайшлі галоўныя мерапрыемствы VI Міжнароднага свята «Вішнёвы фестываль», у якіх прыняла ўдзел харавая капэла «Спадчына» Даўгаўпілскага Цэнтра беларускай культуры. Год ад года прыгажэе Глыбокае, прырастае новымі турыстычнымі аб'ектамі, святамі і сябрамі.

14 ліпеня 2018 года ў Дагдзе прайшоў IV фестываль беларускай песні і танца «Фэст», прысвечаны 100-годдзю Латвіі. Культурны форум арганізавала мясцовае беларускае грамадства «Вербіца» пры падтрымцы Дагдскай краёвай думы і фонду Міністэрства культуры, запрасіўшы гасцей і партнёраў, у тым ліку харавую капэлу «Спадчына» Цэнтра беларускай культуры з Даўгаўпілса.  

У гонар стогадовай гадавіны Латвійскай дзяржавы з 30 чэрвеня па 8 ліпеня 2018 гада ў Рызе адбылося XXVI Уселатвійскае Свята Песні і XVI Свята танца, у якім прынялі ўдзел хоры і танцавальныя калектывы з усіх куткоў Латвіі, у тым ліку і тры калектывы Даўгаўпілскага Цэнтра беларускай культуры ( ЦБК). Дадзенае ўнікальнае свята ўключана ў спіс шэдэўраў вуснай і нематэрыяльнай культурнай спадчыны чалавецтва ЮНЭСКА.

6 ліпеня 2018 года ў малой зале Дома Адзінства ў Даўгаўпілсе прайшоў канцэрт «Беларускае Купалле», арганізаваны Цэнтрам беларускай культуры (ЦБК), у якім прынялі ўдзел мясцовыя беларускія калектывы і ансамбль народнай песні «На панадворку» (Браслаў, Беларусь).

19 чэрвеня 2018 года дыпломы прафесійных магістраў урачыста атрымалі выпускнікі Гуманітарнага факультэта Даўгаўпілскага універсітэта. У іх ліку - Дагнія Літвіноўская, кіраўніца гаспадарчай часткі  Цэнтра беларускай культуры, і Ірына Апейнанэ, арганізатар культурных мерапрыемстваў Цэнтра беларускай культуры. Віншуем!

Канцэрт "Беларускае Купалле", які адбудзецца ў пятніцу, 6 ліпеня 2018 года, у 18.00, у сувязі з пагоднымі і тэхнічнымі ўмовамі пераносіцца ў Дом Адзінства, Малая зала, 3-ці паверх.

21 чэрвеня 2018 года ў Даўгаўпілсе прайшло адно з заключных мерапрыемстваў Міжнароднага фальклорнага фестывалю «Baltica-2018», у якім прынялі ўдзел два калектывы Даўгаўпілскага Цэнтра беларускай культуры (ЦБК): ансамбль народнай песні «Купалінка» і тэатральная студыя «Паулінка».

У пятніцу, 6 ліпеня 2018 года, у 18.00, у Цэнтральным парку г.Даўгаўпілса пройдзе канцэрт «Беларускае Купалле», арганізаваны Даўгаўпілскім Цэнтрам беларускай культуры (ЦБК).

12 чэрвеня 2018 года ў Даугаўпілскім Цэнтры беларускай культуры (ЦБК) адбыўся творчы вечар “Мелодыя душы”, прысвечаны 80-гадоваму юбілею двух шырока вядомых беларускіх творчых людзей: кампазітара Ігара Лучанка і паэта-песенніка Уладзіміра Карызны.

9-10 чэрвеня 2018 года, у рамках заключанага Пагаднення аб супрацоўніцтве ў галіне культуры паміж Даўгаўпілскім Цэнтрам беларускай культуры (ЦБК) і адкрытым акцыянерным таварыствам “Нафтан” (г.Наваполацк, Беларусь), ансамбль беларускай народнай песні “Купалінка” прыняў удзел у святочных мерапрыемствах, прысвечаных 60-годдзю горада Наваполацка – культурнай сталіцы Беларусі 2018 года.