“Жанчына. Вясна. Каханне”. Пад такой мілагучнай назвай напярэдадні Міжнароднага жаночага дня, 6 сакавіка 2016 года, у 14.00, у Палацы культуры пройдзе святочны вясенні канцэрт, арганізаваны Цэнтрам беларускай культуры (ЦБК). Сардэчна запрашаем!Прырода жанчын такая, што ім неабходна адчуваць сябе каханымі і неабходнымі. І такую магчымасць ім прадастаўляе цудоўнае, любімае і доўгачаканае свята – Міжнародны жаночы дзень 8 Сакавіка, свята вясны і ўвагі да жанчын. У гэты дзень для мілых дам гучаць словы кахання, пахнуць кветкі, гучыць рамантычная музыка і рыхтуюцца падарункі.

12 лютага 2016 года ў Цэнтры беларускай культуры прайшоў літаратурны вечар «Беларускаму пісьменніку Івану Мележу-95», арганізаваны сумесна з культурна-асветніцкім таварыствам «Уздым».

8, 10 і 11 лютага 2016 года Цэнтр беларускай культуры (ЦБК) прымаў у сябе вучняў 11-ай асноўнай школы.За мінулы тыдзень праектаў тут пабывалі вучні 4-х і 5-х класаў са сваімі класнымі кіраўнікамі Луцыянавай Аленай Віктараўнай, Рыбаковай Аленай Уладзіміраўнай, Банчыкавай Вольгай Мар’янаўнай і завучам Ілонай Кокінай. Арганізатар культурных мерапрыемстваў ЦБК Ірына Якушонак правяла экскурсію по Беларускаму Дому, пазнаёміла дзяцей з гісторыяй стварэння Цэнтра, с творчымі калектывамі, якія працуюць пры ЦБК, і іх дасягненнямі, паказала беларускую хатку і расказала аб прадметах начыння, якімі спрадвеку карысталіся нашы продкі.

«Зимние кружева» – пад такой назвай у Цэнтры беларускай культуры (ЦБК) 29 студзеня 2016 года адкрылася выстава карцін Асацыяцыі вольных мастакоў Латгаліі. Палюбавацца зімовымі краявідамі і каляднымі карцінамі можна да 1 сакавіка 2016 года. Сардэчна запрашаем!

14 студзеня 2016 года ў даўгаўпілскім Цэнтры беларускай культуры (ЦБК) адбылася прэзентацыя новай кнігі «Следов пленительная грусть» паэта Яўгена Голубева. Зала Цэнтра беларускай культуры ледзь змясціла ўсіх жадаючых паслухаць праніклівыя, філасофскія вершы Яўгена Голубева і павіншаваць паэта з выходам у свет новай кнігі – дзесятай па ліку.

2 студзеня 2016 года даўгаўпілскі Цэнтр беларускай культуры і культурна-асветніцкае таварыства «Уздым» падарылі маленькім і дарослым жыхарам і гасцям Даўгаўпілса казку. Дзеці весяліся разам з казачнымі героямі: кікімарамі, снегавіком, цыганкай і Бабай Ягой, а таксама з малпачкай- сімвалам наступаючага года.Маляняты з вялікім захапленнем удзельнічалі ў конкурсах, адгадвалі загадкі, гулялі ў беларускія народныя гульні і, вядома ж, з вялікай ахвотай паклікалі ў госці Дзеда Мароза са Снягуркай. Іх прывезлі алені, але ў дарозе Мароз страціў голас, а дзятва ў гульні дапамагала яму вярнуць голас.

2 ліпеня 2015 года ў даўгаўпілскім Палацы Культуры адбыўся святочны канцэрт, прысвечаный тром падзеям: Дню незалежнасці Рэспублікі Беларусь, Купаллю і дню нараджэння культурна-прасветніцкага таварыства “Уздым”.

26 чэрвеня 2015 года прайшла літаратурная вечарына Ганны Ахматавай, арганізаваная даўгаўпілскім Цэнтрам беларускай культуры. У месяц нараджэння паэткі аўтабіаграфічную паэму “Рэквіем” на памяць прачытала член беларускага таварыста “Уздым” Валянціна Пятроўна Абушкевіч, пазнаёміўшы слухачоў са сваёй Ахматавай, праз творчасць якой яна прыйшла да Бога.