Творчы вечар паэта Анатоля Галера прайшоў з аншлагам

14 студзеня 2026 года ў Фарштадскай культурнай прасторы Цэнтра нацыянальных культур (вул. Відзэмес, 41а) адбылася творчая вечарына паэта і барда Анатоля Галера “Вершы як адлюстраванне душы”, прымеркаваная да 75-гадовага юбілею.

Творчасць, каханне, гумар і сатыра, пейзажная лірыка, філасофія жыцця - такія тэмы знайшлі адлюстраванне ў прагучалых вершах і песнях А. Галера. Аўтар з захапленнем расказаў пра свой жыццёвы і творчы шлях, чытаў свае вершы і выконваў песні.

Музычным падарункам прагучалі песні на словы паэта ў выкананні салістаў Аляксея Прывалава і Святланы Трафімавай, дуэтаў Алены Віткевіч і Валерыя Ермачэнкі, Рэгіны Родзікавай і Таццяны Багданавай, ансамбля беларускай народнай песні “Купалінка”.

Літаратурна-музычная вечарына “Вершы як адлюстраванне душы” прайшла з аншлагам і сабрала шматлікіх аматараў паэтычнага слова. Паэта цёпла павіншавалі арганізатары мерапрыемства, прадстаўнікі даўгаўпілскіх пісьменніцкіх і грамадскіх арганізацый.

Арганізатар – Цэнтр нацыянальных культур установы “Палац культуры Даўгаўпілса” Даўгаўпілскага дзяржаўнага гарадскога самакіравання.

Дадатковая інфармацыя:

Цэнтр нацыянальных культур

установы “Палац культуры Даўгаўпілса”,

тэл.: +371 20374840