У пятніцу, 15 лютага 2019 года, у Даўгаўпілскім Цэнтры беларускай культуры (ЦБК) у рамках новага навукова-пазнавальнага цыкла «Беларускія геніі», прысвечанага 20-годдзю заснавання, адбудзецца мерапрыемства, тэмай якога стануць пісьменнікі, што невыпадкова, бо ў лютым ва ўсім свеце адзначаюць дзень роднай мовы.
Фотaздымак з інтернету
Старт новаму праекту ў студзені дала тэма асветы. У рамках праекта «Беларускія геніі» на працягу года будуць успамінаць імёны ўсіх, кім па праву ганарыцца Беларусь: са старажытных часоў да нашых сучаснікаў – пісьменнікаў і паэтаў, спартсменаў і касманаўтаў, палітыкаў і навукоўцаў, мастакоў і музыкантаў.
На гэты раз наведвальнікам будзе прадстаўлена магчымасць адкрыць для сябе нешта новае і бліжэй пазнаёміцца з жыццём і творчасцю шырока вядомых беларускіх пісьменнікаў: Я.Коласа, І.Шамякіна, І.Мележа, В.Быкава, У.Караткевіча, А.Савіцкага, Я.Маўра, А.Адамовіча, М.Лынькова і інш., чыімі творамі многія зачытваліся ў дзяцінстве і якія да гэтага часу карыстаюцца павышанай цікавасцю ў сучаснага чытача.
З фондаў Дзяржаўнага музея гісторыі беларускай літаратуры (Мінск) будзе адкрыта перасовачная выстава пра Пімена Панчанку; супрацоўнік гэтага музея раскажа пра знакамітага літаратара шмат новага і цікавага. А яшчэ ў праграме творчага мерапрыемства будуць вершы, песні, конкурсы.
Запрашаем на пазнавальную творчую сустрэчу, якая адбудзецца ў пятніцу,15 лютага 2019 года, у 17.30, у ЦБК (вул.Алеяс, 68-1А, уваход са двара).
У час мерапрыемства можа весціся фота- і відэаздыманне.
Інфармацыя падрыхтавана:
Цэнтр беларускай культуры,
Марыя Памецька, метадыст ЦБК,
т. 654 24695, 29811969, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
г.Даўгаўпілс, вул.Алеяс, 68-1A