У сераду, 18 чэрвеня 2025 года, у 18.00, у Цэнтры беларускай культуры Дома адзінства (ЦБК) адбудзецца вечар памяці даўгаўпілскага кампазітара Генрыха Галіцкага, прымеркаваная да 95-годдзя з дня нараджэння.
Генрых Галіцкі (1930-2013) – вядомы кампазітар і музычны педагог, які ўнёс вялікі ўклад у музычную культуру Даўгаўпілса і Латгаліі.
Г. Галіцкі скончыў Латвійскую кансерваторыю і атрымаў размеркаванне ў Даўгаўпілскае музычнае вучылішча. Потым выкладаў і кіраваў музычнай кафедрай Даўгаўпілскага педагагічнага інстытута.
Кампазітар пісаў не толькі музыку да песень, але таксама складаў для духавых і сімфанічных аркестраў, актыўна супрацоўнічаў з самадзейнымі калектывамі нацыянальных таварыстваў, у тым ліку беларускага.
На вечары памяці прагучаць музычныя творы Генрыха Галіцкага на словы паэтаў Станіслава Валодзькі, Антона Кукойса, Віктара Аўсепяна, Аляксея Гузіка, Фёдара Ісаева.
Канцэрт памяці кампазітара Генрыха Галіцкага пройдзе ў сераду, 18 чэрвеня, у 18.00, у ЦБК (вул. Алеяс 68-1А, Даўгаўпілс).
Арганізатар – Цэнтр беларускай культуры Дома адзінства ў супрацоўніцтве з Таварыствам Латвійска-Беларускай садружнасці.
Інфармуем, што падчас мерапрыемства будзе весціся відэаздымка і фотаздымка ў публіцыстычных і гістарычных мэтах.
Інфармацыя падрыхтавана:
Марыя Памецька,
метадыст Цэнтра беларускай культуры
т.: +371 65424695, 29811969
эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.